പയ്യന്നൂര്‍ : പ്രവാസി പയ്യന്നൂര്‍ക്കാരുടെ ആഗോള കൂട്ടായ്മയായ പയ്യന്നൂര്‍ സൗഹൃദ വേദി ദുബായ് ചാപ്റ്ററിന്റെ വിദ്യാഭ്യാസ അവാര്‍ഡ് ദാന പരിപാടി പയ്യന്നൂരില്‍ വെച്ച് നടന്നു. പയ്യന്നൂര്‍ ബി ഇ എം എല്‍ പി സ്കൂള്‍ പി ബാലന്‍ മാസ്റ്റര്‍ മെമ്മോറിയല്‍ ഹാളില്‍ വെച്ച് നടന്ന പരിപാടി നഗര സഭ ചെയര്‍മാന്‍ ശശി വട്ടക്കൊവ്വല്‍ ഉദ്ഘാടനം ചെയ്യ്തു. ശ്രീനിവാസന്‍ പട്ടേരി അധ്യക്ഷത വഹിച്ചു. മികച്ച ഗ്രന്ഥശാല പ്രവര്‍ത്തകനുള്ള പുരസ്കാരം നേടിയ ജി ഡി നായര്‍ , സപ്തതി ആഘോഷിക്കുന്ന ജീവകാരുണ്യ പ്രവര്‍ത്തകന്‍ ഡോ . വി സി രവീന്ദ്രന്‍ എന്നിവരെ ചടങ്ങില്‍ ആദരിച്ചു. 10, 12 ക്ലാസുകളില്‍ മികച്ച വിജയം നേടിയ സൗഹൃദ വേദി കുടുംബത്തിലെ അംഗങ്ങളെ ചടങ്ങില്‍ അനുമോദിച്ചു . നഗരസഭ ചെയര്‍മാന്‍ കുട്ടികള്‍ക്ക് ഉപഹാരങ്ങള്‍ സമ്മാനിച്ചു. ഡോ . വി സി രവീന്ദ്രന്‍ , ജി ഡി നായര്‍ , വിനോദ് നമ്പ്യാര്‍ , ബി ജ്യോതിലാല്‍ , കക്കുളത്ത് അബ്ദുള്‍ഖാദര്‍ , വി പി ശശികുമാര്‍ , ജി ഇ സുധാകരന് എന്നിവര്‍ പ്രസംഗിച്ചു .
പി എസ് വി വിദ്യാഭ്യാസ അവാര്‍ഡുകള്‍ സമ്മാനിച്ചു.
