പയ്യന്നൂര്‍ സൌഹൃദ വേദി ദുബായ് ചാപ്റ്ററിന്റെ ക്ഷണം സ്വീകരിച്ച് ദുബായിലെത്തിയ ബഹു. പയ്യന്നൂര്‍ നഗരസഭാ അദ്ധ്യക്ഷന്‍ ശ്രീ. ശശി വട്ടക്കൊവ്വലിനെ ദുബായ് അന്താരാഷ്ട്ര വിമാനത്താവളത്തില്‍ സൗഹൃദ വേദി പ്രവര്‍ത്തകര്‍ സ്വീകരിച്ചു.
ഏപ്രില്‍ 27 നു വെള്ളിയാഴ്ച വൈകുന്നേരം 4:30 മുതല്‍ ഷാര്‍ജ വെസ്റ്റ് മിനിസ്റ്റര്‍ സ്കൂള്‍ ഓഡിറ്റോറിയത്തില്‍ വെച്ച് നടത്തുന്ന ‘പയ്യന്നൂര്‍ സൗഹൃദ സന്ധ്യ 2018’ യില്‍ പങ്കെടുക്കാനാണ് പയ്യന്നൂര്‍ നഗരസഭാ അദ്ധ്യക്ഷന്‍ ദുബായിലെത്തിയത് . ചടങ്ങില്‍ പ്രവാസ ലോകത്ത് 25 വര്‍ഷങ്ങള്‍ പിന്നിട്ട അറുപതിലധികം അംഗങ്ങളെ ആദരിക്കുന്നുണ്ട് . നാടന്‍ പാട്ടുകള്‍ , ഗാനമേള , നൃത്ത നൃത്ത്യങ്ങള്‍ തുടങ്ങി വിവിധ കലാപരിപാടികള്‍ സൗഹൃദ വേദി കുടുംബാംഗങ്ങള്‍ ഒരുക്കുന്നുണ്ട്. വിനോദ് മണിയറ സംവിധാനം ചെയ്യുന്ന ‘പയ്യന്നൂരിലൂടെ ഒരു യാത്ര ‘ എന്ന നൃത്ത സംഗീത ദൃശ്യാവിഷ്കാരത്തില്‍ മുപ്പതോളം കലാകാരന്മാര്‍ അണിനിരക്കുന്നു.
